Հաճախակի և մանրակրկիտ ձեռքերի լվացումն օգնում է պահպանել առողջությունը: «Դուք օգտագործում եք ձեռքերը շրջապատում գտնվող ամեն-ինչին դիպչելու համար, իսկ դա մանրէների հետ շփման ամենարագ ձևն է», – ասում է Քևին Մորանոն՝ Հյուսթոնի Տեքսասի համալսարանի բժշկական դպրոցի մանրէաբանության և մոլեկուլյար գենետիկայի ամբիոնի պրոֆեսորը: Ձեռքերի միջոցով փոխանցվող ամենատարաված հիվանդություններն են հարբուխը եւ լուծը: Օճառով և ջրով ձեռքերի հաճախակի լվացումը 50%-ով նվազեցնում է աղե-ստամոքսային հիվանդություններից մահացությունը, ըստ ԱՄՆ-ի հիվանդությունների վերահսկման և կանխարգելման Կենտրոնի գնահատականների:Մանրէները կարող են ապրել անշունչ առարկաների վրա երկար ժամանակ: Ախտոտված առարկաներին դիպչելուց մանրէներն անցնում են ձեռքերին: Հետո դուք դիպչում եք աչքերին, քթին եւ բերանին, ինչի պատճառով մանրէները թափանցում են օրգանիզմ:Շատ աղբյուրներ կան որտեղ ասում են թե եղունգները պետք է խոզանակել մանրէներից ազատվելու համար, իսկ Էլիսոն Պիտմանը՝ Բրայանի Տեքսասի բժշկական գիտությունների կենտրոնի բուժքույրերի քոլեջի պրոֆեսորի օգնականը ասում է, որ պետք չէ եղունգները մաքրել հատուկ խոզանականով: Ուղղակի պետք է համոզվել, որ օճառվել են եղունգի տակի հատվածները , ինչից հետո լվանալ ձեռքերը ջրով:
Աղբյուր՝ news.am