Տարբեր ծրագրերի հեղինակներ առաջարկում են խնդիրների և նպատակների տարբեր ձևակերպումներ՝ էկոլոգիական մշակույթի դաստիարակություն, գիտակցված վերաբերմունք բնության և մարդկության հանդեպ, պատասխանատվության դաստիրակություն, բնության նկատմամբ հոգատարության և ստեղծագործական մոտեցման զարգացում։ Այսպիսով մենք հայտնաբերեցինք, որ հեղինակները, որպես էկոլոգիական դաստիարակության նպատակ և խնդիր հասկանում են էկոլոգիական մշակույթի, էկոլոգիական գիտակցության համապատասխան վարվելակերպի և հոգատար վերաբերմունքի ձևավորումը բնության նկատմամբ։ Այսպիսով էկոլոգիական կրթությունը նախադպրոցականի համար դա կրթության, դաստիարակության և զարգացման անընդհատ պրոցես է, որը ուղղված է բնության հանդեպ սիրո, հոգատարության և գիտակցված վերաբերմունքի մեջ։ Այդ խնդիրը իրականացնելու նպատակով անհրաժեշտ է լուծել մի շարք փոխկապակցված խնդիրներ։

Դրանք են ՝

▪︎Տարրական էկոլոգիական գիտելիքների ձևավորում երեխայի մոտ, որոնք հասանելի կլինեն այդ տարիքի երեխաներին։

▪︎Հետաքրքրության խթանում բնաշխարհի վերաբերյալ։

▪︎Էկոլոգիապես գրագետ և անվտանգ վարվելակերպի ձևավորում, նախնական հմտությունների զարգացում բնության պահպանության հետ կապված։

▪︎Նախնական արժեքների համակարգի ձևավորում ( մարդու և բնության փոխկապվածությունը , բնության բազմազանությունը, բնության հետ շփման արժեվորումը։

Երեխաներ իսկ դուք գիտե՞ք թե մենք ինչու չենք տեսնում քամին։

Մենք չենք կարող տեսնել քամին, քանի որ այն օդի շարժումն է, իսկ օդը անտեսանելի է։ Ճիշտ է մենք չենք տեսնում քամին, այն ու հանդերձ կարող ենք տեսնել թե քամին ինչպես է շարժում ծառերը։ Այսինքն մենք չենք տեսնում քամին, բայց տեսնում ենք նրա շարժումը։ Քամիները լինում են երեք տեսակի՝ մեղմ, ուժեղ, շատ ուժեղ։ Ամենա մեղմ քամին զեփյուրն է։ Ամենուժգին քամու ժամանակ առաջանում է պտտահողմ։ Ի տարբերություն ուժգին քամու, պտտահողմը կարող ենք տեսնել, քանի որ այն առաջանում է ուժգին քամու ժամանակ փոշուց և աղբից (որը բարձրանում է երկինք։ Եթե լավ մտածենք պտտահողմը կնմանեցն ենք փոշեկուլին, չէ որ փոշեկուլնել աղբն ու փոշին հավաքում է։ Պտտահողմը շատ վտանգավոր է, այն կարող է քաշել ծառերը, լճերի ջրերը ձկների հետ միասին։ Նկատել եք երբ լվացվում եք ջուրը ինչպե՞ս է դատարկվում լվացարանից, այն կարծես պտտվի, ճի՞շտ եմ։ Հենց այդպես էլ պտտվում է պտտահողմը, բայց ոչ թե ներքև, այլ վերև և քաշում այն ինչ իր ճանապարհին հանդիպում է։ Ճիշտ է պտտահողմը վտանգավոր է, բայց այն երկար չի տևում՝ արագ կարող է անհետանալ, իսկ այ փոթորիկը շատ երկար կարող է տևել, և այնքան ուժեղ լինել, որ քանդի քաղաքներ։ Փոթորիկը առաջանում է օվկիանոսի տաք օդի շփումից, որից հետո ալիքների միջոցով հասնում է բնակելի տարածքներ, այդ տարածքները լցվում են օվկիանոսից եկած ջրով։

— Ո՜ւ-ո՜ւ-ո՜ւ…

Քամին է, քամին,

Տես անզգամին.

Բերան չունի՝ փըչում է,

Թևեր չունի՝ թռչում է,

Ձեռքեր չունի՝ քաշում է,

Իմ փոքրիկին քըշում է։

Կորի՛, դու քամի,

Անպիտան քամի։

Մի վախի, ջանիկ,

Փեշըս պինդ բռնի,

Ես թող չեմ անի,

Քամին քեզ տանի։

Խաղ 1։ Քամի

Սեղանին դնել տարբեր իրեր։ Երեխաները պետք է գան և փչեն իրերը սալոմկաների օգնությամբ։ Հետո որոշենք թե որ իրներ ծանր, որը թեթև։ Կարող ենք նաև որպես մրցույթ կազմակերպել և որոշել թե ով ավելի ուժեղ քամի ստացավ։

Խաղ 2։ Պտտահողմ

Երկու երեխա իրար ձեռք են բռնում(պտտահողմ են դառնում), մնացածը կքանստում են։ Խաղը սկսելուն պես կքանստած երեխաները պետք է այնպես անեն որպեսզի փախչեն պտտահողմից՝ առանց կանգնելու։ Այն երկու երեխաները պտահողմի նման պտվելով պետք է այնպես անեն որպեսզի կքանստած երեխաները հայտնվեն շրջանի կենտրոնում։ Եթե կքանստածներից մեկը հայտնվում է պտահողմում վեր է կենում և դառնում պտտահողմ։ Խաղը ավարտվում է երբ բոլոր կքանստած երեխաները դառնում են պտտահողմ, կամ երբ որ պտահողմ դարձած երեխաներից մեկը բաց է թողնում թիմակցի ձեռքը։