SWOT վերլուծության տարրերը
Ուժեղ կողմեր: Ուժեղ կողմերը ղեկավարվում են ձեռնարկատիրոջ կողմից, քանի որ դրանք գոյություն ունեն ներկայումս: Անհրաժեշտ է ամրապնդել ուժեղ կողմերը և դրանք օգտագործել թույլ կողմերը կրճատելու համար: Ուժեղ կողմեր կարող են հանդիսանալ՝
• էժան հումքը,
• տեխնոլոգիական նորույթները,
• սպառողների լայն ցանցը,
• կառավարման համակարգը,
•հարաբերական ցածր գինը,
• արտադրանքի որակը,
• ապրանքի հատկանիշները,
• այլ:
Թույլ կողմեր: Թույլ կողմերը նույնպես վերահսկվում են ձեռնարկատիրոջ կողմից: Դրանք ինչ-որ բանի բացակայությունն են կամ թույլ կողմերը: Անհրաժեշտ է, որքան հնարավոր է, կրճատել թույլ կողմերը: Թույլ կողմեր կարող են հանդիսանալ՝
• հումքի անկանոն մատակարարումը,
• հին տեխնոլոգիան,
• կառավարման փորձի բացակայությունը,
• մասնագիտական աշխատակազմի բացակայությունը,
• գովազդի բացակայությունը,
• ապրանքի օգտագործման ժամկետի սահմանափակությունը,
• ապրանքի բարձր գինը,
• հումքի բարձր գինը,
• այլ։
Հնարավորություններ: Հնարավորություններն իրականության կողմից տրված դրական գործոններն են, որոնք պետք է օգտագործի ձեռնարկատերը, կամ որոնք հնարավորություն են տալիս իրականացնել նախագծային գաղափարը: Հնարավորությունները տարբերվում են ուժեղ կողմերից նրանով, որ վերջիններս հանդիսանում են բիզնեսի արտաքին դրական հատկանիշները: Որպես հնարավորություն կարելի է դիտել՝
• տեխնիկական սպասարկման հասանելիությունը,
• մրցակիցների փոքրաթիվ կամ թույլ լինելը,
• նպատակային խմբի եկամուտների աճը,
• աճող պահանջարկը,
• վարկի ցածր տոկոսները,
• տվյալ ապրանքի/ծառայության բացակայությունը շուկայում,
• տվյալ ապրանքի եզակի լինելն այդ տարածքում,
• կառավարության կողմից իրականացվող մեղմ հարկային քաղաքականությունը,
• այլ։
Սպառնալիքներ: Սպառնալիքներն իրականության մեջ առկա բացասական կամ անհաջող գործոններն են, որոնք սովորաբար չեն կառավարվում ձեռնարկատիրոջ կողմից: Եթե դրանք չեն կանխվում, ապա բացասական են անդրադառնում բիզնեսի վրա: Սպառնալիքները տարբերվում են թույլ կողմերից, քանի որ դրանք ձեռնարկատիրոջ կողմից չեն կարող կառավարվել: Ե՛վ մեկը, և՛ մյուսը բիզնեսի վրա թողնում են բացասական ազդեցություն: Սպառնալիքների վերլուծության նպատակն է ճանաչել, խուսափել դրանցից կամ ձեռնարկել համապատասխան քայլեր դրանց բացասական ազդեցությունը կրճատելու համար:
Սպառնալիքներ են՝
• հումքի գնի բարձրացումը,
• պետական բյուրոկրատիան,
• հումքի անբավարարությունը,
• բնական աղետները,
• չափազանց ուժեղ մրցակցությունը,
• վատ ենթակառուցվածքները,
• քաղաքական փոփոխությունները,
• այլ